Kryeministri Rama ka vazhduar sot në Lezhë sulmin ndaj opozitës madje duke mos kursyer as ironitë për të.
Rama u shpreh se “në çdo fshat ka një budalla, që do të përçajë”, teksa thumboi kështu Partinë Demokratike dhe liderin e saj Basha.
Por kreu i qeverisë ka përmendur dhe Kanunin në Lezhë.
“Në çdo pyll ka derra, çdo fshat e ka një budalla. Por punë e madhe se del një këtu e një atje, e do të na përçajë, të na shajë, të shkelë çdo nen të Kanunit. Për në ata janë e shkuara, ndërkohë që e ardhmja është në zemrat dhe mendjet e çdo djali dhe vajze që ëndërron të bëjë sukses në këtë vend. Pavarësisht se vjen nga ky vend”, -tha Rama nga Lezha.
Ndoshta kryeministri Rama dontë që sipas vendit të bënte Kuvendin duke paralelizuar Kanunin me Kushtetutën meqë ishte në veri, por harroi me apo pa dashje që në vend të saj të përmendte Kushtetutën si ligjin themeltar të shtetit.
Rama zhvilloi një takim me të rinjtë që do të votojnë për herë të parë në 18 qershor në qarkun e Lezhës ashtu siç ka bërë në disa qytete të tjera në Shqipëri përpara se të hapet zyrtarisht fushata e zgjedhjeve të 18 qershorit.
(M.D/Shuplaka)
Discussion about this post