Kryeministri, Edi Rama ka publikuar siç e ka bërë rutinë tashmë, qëndrimin e aktores dhe regjizores Ilire Vinca lidhur me çështjen e Teatrit Kombëtar që ka trazuar opinionin publik.
Referuar Ramës, në qëndrimin e saj, aktorja shprehet se një teatër i ri do të ishte një freski edhe për audiencën, ndërsa uron që të bëhet sa më shpejt.
Por me sa duket Vinca nuk ka nguruar që tia shprehë në komentin e këtij postimi, qëndrimin e saj të vërtetë kryeministrit.
“I nderuar Kryeministër Rama, më vjen shumë keq por më duhet t’ju informoj që këtë mendim nuk e kam dhënë për Teatrin Kombëtar. Është hera e dytë që po ndodh ky keqkuptim, ndaj më duhet të sqarohem. Ju faleminderit”, Shkruan aktorja poshtë statusit të Ramës.
(F.GJ/FAXWEB.AL)
