Rreth një orë pasi Rama i kujtoi se ka tri ditë që e pret, duke e këshilluar që të mos ketë frikë, kryetari i Partisë Demokratike ka reaguar nga “Sheshi i Lirisë”.
Duke iu drejtuar qytetarëve të pranishëm, mes batutash, Basha tha se i duhet lënë një shteg “atij që i përgjon nga dritarja”, e shtegu i vetëm është mirëpritja në çadër vetëm nëse ka me vete dorëheqjen e tij të firmosur.
“Më lejoni t’i bëj me dije qytetarëve shqiptarë qëndrimin tim për dialogun. E dini që çdo ditë që ju shpreheni këtu, ai iu përgjon nga dritarja dhe ka 49 ditë që nuk qeveriset më Shqipëria, por vetëm përgjon çadrën dhe lidh kokën me peshqir sa herë që flet çadra. Ka shprehur dëshirën të vijë në çadër.
E qartë e qartë, unë them që një shteg duhet t’ia lemë. Por të vijë me dorëheqjen e firmosur. Po dialogut! Ka 36 orë që negociatori i Partisë Demokratike dhe i opozitës për të pargatitur një dialog, pret të dërguarin e Kryeministrit. Por kryeministri nuk do dialog, do monolog. Monologje shterpë për t’i hedhur hi syve shqiptarëve dhe për t’u shitur dokrra ndërkombëtarëve gjasme sikur është i angazhuar për zgjidhje.”, ishte përgjigja e Bashës.
(XH.A/SHUPLAKA)
