Ditën e sotme Asambleja e Partisë Socialiste dha dia mesazhe të rëndësishme dhe një prej tyre ishte dhe sfida për LSI-në. Kryeministri Rama u shpreh se PS-ja do të vijojë kolaicionin me LSI-në por që dhe e vetme në zgjedhje PS-ja do të triumfojë.
Po ashtu Rama tha se tashmë mbetet qe LSI të shpreh sa më shpejt qëndrimin e saj në lidhje me koalicionin.
Në një takim me të rinjtë e LRI në Kuçovë, Meta pohoi se LSI i ka shërbyer vetëm nxitjes së dialogut. Ai nuk ka dashur të japë akoma një përgjigje për koalicionin.
“Të rinjtë e të rejat e LRI janë shembulli dhe modeli i një lidershipi të ri në Shqipëri. LRI një politike të re, vizionare, solidare, që kujdeset për njerëzit dhe në radhë të parë për të rinjtë e të rejat. Suksesi i zgjedhjeve të ardhshme nuk është as rezultati i LSI dhe as rezultati i askujt tjetër.
Suksesi i zgjedhjeve, standardi i besueshmërisë që ato do të realizojnë për qytetarët tanë. Nga zgjedhjet varet shumë fati i të rinjve e të rejave të Shqipërisë dhe i të ardhmes evropiane të vendit tonë. LSI-ja asnjëherë nuk i ka shërbyer nxitjes së konfliktit, por i ka shërbyer vetëm nxitjes së dialogut. Vetëm përmes dialogut politik mund të forcohen institucionet në vend”, tha Meta. (E.K/SHUPLAKA)
Discussion about this post