Edi Rama nga Parlamenti ka dhënë një përgjigje të qartë, që ai nuk e mbështet idenë e qeverisjes tëknike. Ai ka vijuar me tezën se protesta e opozitës bëhet për të bllokuar Reformën në Drejtësi.
‘’Çadra lidhet me Vettingun dhe kjo nuk do shkencë. Komisionet e Vettingut nisin javën e ardhshme, ardhja e PD-së në parlament do ta ndihmonte PD-në. Ata nuk e mohojnë e thonë shprehimisht se Vettingun duan ta bëjnë ata. Por nuk mund të ketë 3 Vettingje.
Krahasimi me tre ligjet është idiot, sepse me tre ligje pa tre ligje Shqipëria nuk e merrte statusin e vendit kandidat. Vettingu është kushti i vetëm për të hapur negociatat. Kam një lajm për të gjithë ju, Komisioni Europian ka filluar me ne me Ministrinë e Integrimit procesin teknik për hapjen e negociatave.
Bllokimi i Vettingut dhe jot re ligjet janë kushti i vetëm për të hyrë në Europë. Pa Reformën në Drejtësi që fillon me Vettingun, nuk mund të ketë më shumë ekonomi, investime, mirëqënie për arsyen e thjeshtë se të gjitha këto sot armikun më të madh kanë mungesën e drejtësisë. Ky është epilogu i një përpjekje të qëverisë sonë për të kapur kohën e humbur. Ne sjemi ëngjëj, kemi pasur edhe gabimet tona.
Shqiptarët në qershor do japin përgjighjen e duhur. Unë nuk di asnjë mënyrë tjetër sesi mund të përmisohen standardet e zgjedhjeve nëse ti nuk ulesh në tavolinë për ti diskutuar ato. Ne nuk thonim ik ti që të vijmë ne.Ne kemi respekt për çdo njeri që është aty, po jo për ata që i përdorin protestuesit për të marrë një karrige tjetër në Parlament. Sa më shumë që ti fyeni njerëzit aq më keq do ta ndjeni veten në këtë vend’’, ka deklaruar Rama. (E.K/SHUPLAKA)
Discussion about this post