Kryeministri Edi Rama i është përgjigjur pyetjeve për deklaratën e ish-ministrit të Brendshëm, Saimir Tahiri. Në “Real Story” Rama ka thënë se ai si Kryeministër dhe qeveria, nuk mund të presionohen as në shqip e as në anglisht.
“Presione në shqip apo në gjuhë të huaj, askush nuk mund t’i bëjë kësaj qeverie, porsa kohë unë do të jem në krye të saj”, -tha Kryeministri Edi Rama.
Saimir Tahiri, i përjashtuar nga PS, është rikthyer në qendër të debatit publik ditën e sotme, pas një deklarate të ashpër në dalje të Kuvendit ku ish-ministri tha se nuk pranonte moral për drejtësi nga politikanët shqiptarë. Deklarata e Tahirit është komentuar gjerësisht si “presion” ndaj Kryeministrit Rama.
Discussion about this post