Pas deklaratave të sotme të kryetarit të PD-së, Lulzim Basha, lidhur me konkluzionet e djeshme të BE-së për Shqipërinë duke u shprehur se një përgjigje të tillë vendi ynë nuk e kishte marrë prej 26 vjetësh tashmë dhe duke e krahasuar me vendet e Afrikës, ka ardhur edhe reagimi i kryeministrit Edi Rama.
Sipas kreut të qeverisë, i cili përdor nota ironie me kreun dhe ish kreun e PD-së, Lulzim Basha
“Luli sapo paska përkthyer BE-në: Shqipëria diktaturë afrikane pa zgjedhje të lira! Saliu shiu, Luli breshëri, ç’i gjeti demokratët ç’i gjeti“, shkruan Rama në rrjetet sociale.
“Këshilli i Europës i ka publikuar konkluzionet e veta dhe ato nuk lënë vend për interpretime. Gjendja në vend shumë e rëndë. Provë se Europa nuk gënjehet me lugën bosh të propagandës e mashtrimeve. Lajmi i mirë këtu është se duke mos lënë shteg për interpretim çmonton spekulimet dhe hap rrugën për marrjen e përgjegjësive. Duke mohuar problemet e rëndë me drogën, krimin dhe mos marrjen e përgjegjësive për zgjedhje të lira dhe të ndershme qeveria ka refuzuar të marrë përgjegjësi për daljen nga kjo situatë”, ishte shprehur Basha pas mbledhjes së Grupit Parlamentar të PD-së.
