Kryeministri Edi Rama, nga sheshi “Skënderbej” është ndalur edhe tek falenderimet për skuadrat e fushatës elektorale të PS në secilin qark.
Rama edhe këtë herë nuk ka lënë pa thumbuar LSI-në, ai kur u ndal tek falenderimi që kishte për skuadrën e Tiranës deklaroi se ky ekip kishte arritur një rezultat spektakolar, duke I dhënë mundësinë PS-së të qeveriste Shqipërinë dhe të çonte për skrap, sipas Ramës, partitë e tepsisë.
“Duartrokitje për skuadrën fenomenale për skuadrën e Tiranës e cila me numrin record tëvotave kapërceu objektivin duke arritur 18 mandate.Dhe duke na dhënë mundësinë të udhëheqim Shqipërine duke quar për skarap tepsinë”, u shpreh Rama.
Rama gjithashtu veçoi qarkun e Vlorës, madje ai tha se i puth të gjithë Vlonjatet dhe Vlonjatët.
“Pa asnjë gjelozi më lejoni tu dërgoj një puthje të gjithë vlonjatëve dhe vlonjateve”, tha Rama.
Ndërsa ndër emrat që veçoi ishte ai i Gramoz Ruçit. Rama tha se pa Gramoz Ruçin Partia Socialiste nuk do të ishte këtu ku është.
Rama tha se Gramoz Ruçi ishte në vijën e kuqe për të hyrë në parlament duke qenë i 9 në listën e Fierit, ndërkohë që korri një rezultat spektakolar duke u kthyer me 10 mandate.
“Një ovacion për superskuadrën pë r Fierin, Me emër për forcën më të madhe tonën në familjen tonë politike Gramozin, e meritonte të ishte në falenderime, arriti një rezultat spektakolar, për ato që s’e kuptojne vijnë e kuqe, vajti në betejë vetë i 9-ti dhe u kthye vetë i 10-ti”, tha Rama.
Ndërsa për Shkodrën, Rama tha se pas dy viteve në këtë qark PS do të jetë forcë e parë. (B.H/Shuplaka)
