Qeveria shqiptare ka miratuar së fundmi shtimin e numrit të punonjësve të Gradës së Republikës së Shqipërisë, të cilët janë të ngarkuar me ruajtjen e sigurisë fizike të ambasadores së Bashkimit Europian, Romana Vlahutin.
Në vendimin e zbardhur nga “Lapsi” mësohet se “qëllimi i këtij projektvendimi bëhet në kuadër të marrjes së masave të shërbimit për ruajtjen dhe mbrojtjen e Ambasadorit të Bashkimit Europian në Shqipëri dhe rezidencës së Tij”.
Në të, kërkohet domosdoshmërisht: ndryshim në menaxhimin e forcave; ndryshim në mënyrën dhe planifikimin e kryerjes së shërbimeve; shtesë në limitin e përgjithshëm të punonjësve të Gardës së Republikës me 10 punonjës (përkatësisht 2 punonjës niveli i mesëm, oficer dhe 8 punonjës niveli ulët, nënoficer).
Nuk dihet ende përse ky vendim është marrë pikërisht tani dhe përse asaj i janë vendosur ky numër i konsiderueshëm rojesh? Nënkupton kjo se ambasadorja e BE-së në Shqipëri, ndihet e kërcënuar?!
Emri i ambasadores Vlahutin është lakuar së shumti këto kohë në media. Së fundmi u mësua se ajo është nën hetim për korrupsion dhe abuzim me detyrën, ndërkohë që vetëm pak ditë më parë Vlahutin u komentua për blerjen në shumën marramendëse të vilës në kompleksin “Rolling Hills”. (XH.A/SHUPLAKA)
