Nga foltorja e Kuvendit, pasi mori fjalën i pari sepse e pret avioni për t’u nisur drejt Italisë, Rama është shprehur mëse i sigurt që maxhoranca e sotme do marrë dhe bashkitë që administrohen nga opozita.
“Nuk kane shanse të marrin ato që kemi dhe as të mbajnë gjysmën e atyre që kanë. Ti marrim të gjitha që tu japim qytetarëve edhe në Kukës dhe Shkodër e më tej mundësinë që të qeverisen nga njerëz normalë që dinë të ndryshojnë faqen e komunitetit dhe të bëjnë ndryshime në urbanistikë”, tha Rama.
Ai vijoi duke i ftuar kudnërshtarët në “mejdan” për të garuar në zgjedhjet vendore 2019.
Rama më herët gjatë fjalës së tij i kujtoi Bashën 17 Majin e dy viteve më parë, teksa tha se nga një qeveri pa Edi Ramën, PD hyri vetë në qeveri me marrjen e disa prej ministrive më të rëndësishme në vend.
Rama: Do shkoj matanë vendit për ti shpjeguar publikut të vendit fqinj se ato pamje që kanë transmetuar nuk është një protestë popullore. Ajo që ndodh sot është vijimi i një rruge pa krye ku e vetmja gjë e re është një vendim vetëvrases i udhëheqjes së opozitës.
Është një sezon i ri i serialit të vjetër, të gjithë ju që jeni këtu e mbani mend atë që ndodhi dy vite më parë, me çadrën që nisi udhëtimin për të ndërtuar një republikë të re, me kushtin e panegociueshëm pa Edi Ramën kryeministër, me pretendimin për të pasur zgjedhje sipas dëshirës të atyre që sot janë larguar nga ky Kuvend. (lexo ketu)
