Ashtu sikurse është paralajmëruar ditën e nesërme do të zhvillohet një bisedë e thirrur nga Presidenti Ilir Meta ndërsa kryeministri Edi Rama i ka thënë “Po” Kreut të Shtetit por ajo do të zhvillohet në një format të jashtëzkonshëm, përmes një komunikimi online.
Më herët edhe kreu i Partisë Demokratike, Lulzim Basha kishte konfirmuar pjesmarrjen në mbledhjen e Këshillit të Sigurisë Kombëtare ndërsa do të diskutohet në lidhje me situatën e krijuar në vend për shkak të pandemisë së koronavirusit.
Meta kishte njoftuar se mbledhja do të zhvillohej në ambjentet e Pallatit të Brigadave por duket se për çështje sigurie do të zhvillohet online
Deri më tani janë konfirmuar 123 persona me koronavirus në vendin tonë por vlen të theksohet se dita e sotme ka qenë e mbushur me zhvillime edhe në sferën politike pavarësisht rrethanave ku BE i ka ndezur dritën jeshile Shqipërisë duke vendosur për pranimin e hapjes së negociatave por nuk dihet nëse do të flitet në këtë format për këtë temë duke pasur parasysh edhe rëndësinë historike që ka.
“Duke iu pergjigjur interesit te shume gazetareve ju bej te ditur se Kryetari i Partise Demokratike Lulzim Basha i eshte pergjigjur pozitivisht fteses se presidentit Ilir Meta per te marre pjese ne mbledhjen e Keshillit te Sigurise Kombetare. Zoti Basha thekson se tani eshte koha qe gjithkush te jape kontributin e tij ne sherbim te jetes, shendetit dhe sigurise se qytetareve ne keto dite te veshtira”, njoftoi zyra e shtypit në PD ditën e sotme.
“Do mbledh pas dy ditësh këshillin e Sigurisë Kombëtare dhe do të ftoj edhe Lulzim Bashën. Qasja do të jetë gjithëpërfshirëse. Duhet të jemi bashkë dhe të mos nxjerrim përfitime politike”, tha dje Meta në një studio televizive.
(F.GJ/FAXWEB.AL)
