Kryeministri Edi Rama është shumë aktiv në rrjetet sociale. Gati çdo ditë kryeministri poston video dhe foto pafund duke treguar në këtë mënyrë vendin se ku ndodhet, po pse jo duke bërë edhe propagandën e arritjeve të qeverisë së tij.
Pak minuta më parë në ‘Insta Story’, kryeministri Rama ka publikuar një video teksa një berber po e qethte.
Gjatë këtij momenti kryeministri zhvillon një bisedë me berberin i cili tregon se punon në dyqanin e të atit.
Djali i thotë se hidhet në vitin e dytë në gjimnaz dhe se punon gjatë verës në dyqanin e babait të tij, i cili ka tetë vite që e ka hapur këtë aktivitet.
Edhe pse djali është nën moshë dhe nuk lejohet të punojë, pasi kjo quhet shkelje ligjore, duket se ky detaj i ka shpëtuar kryeministrit duke vënë telefonin para tij për të zhvilluar këtë bisedë.
Edhe pse tatimorët vendosin gjoba në situta të tilla, po po, nuk lejohet të punojnë as familjarët nën moshë, duket se ky nuk është rasti. Mbase Rama ka menduar se e rëndësishme është që të rinjtë të punojnë, qoftë edhe pak në shkelje me ligjin…
(E.V/Faxweb.al)
