Kryeministri Edi Rama ka reaguar menjëherë pas deklaratës së kreut të opozitës Lulzim Basha në çadër, i cili tërheqjen e PS-së nga zgjedhjet në Kavajë e cilësoi si fitoren e parë të Republikës së Re.
“Lulëzim fitore të tilla paç ngahera po a me thua dot si ka mundësi që anëtarët e tu në KQZ po zihen kundër tërheqjes së kandidatit tonë?”, reagon Rama.
Kreu i opozitës Lulzim Basha, pak çaste më parë nga çadra e opozitës e cilësoi si fitoren e parë, tërheqjen e kryeministrit Edi Rama nga zgjedhjet në Kavajë.
“Republika e Re sapo shënoi fitoren e parë, Falenderimi im i parë dhe mirënjohja më e thellë është për qytetarët fisnikë të Kavajës, për të rinjtë dhe të rejat e Kavajës, për këtë qytetari kreshnike të lirisë dhe demokracisë që vulosi tërheqjen e Edi Ramës nga planu ogurzi për të rikthyer monizmin nga vendi që përmbysi diktaturën komuniste.
Dua të falenderoj nga zemra ata qindra mijëra kavajas e kavajse, luftëtarë të lirisë, që me qëndrimin e tyre u bënë një qëndresë e pakapërcyeshme për planet ogurzeza të mafias dhe krimit, dëshiroj të falenderoj gjithashtu ata qytetarë kavajas që dëshironin një alternativë vërtet të majtë por që vendosën të refuzojnë fasadën e shëmtuar kriminale që u ofroi Rilindja dhe Edi Rama me datë 7 maj. (D.D/Shuplaka)
Discussion about this post