Pas tre orësh takim në Presidencë me kryeministrin Rama dhe rreth një orë me Kreun e Lartë të Shtetit, Bujar Nishani, kryetari i Partisë Demokratike, Lulzim Basha, është parë duke lënë ambientet e Presidencës.
Ndryshe nga kryeministri Edi Rama që në shoqërinë e Gramoz Ruçit është drejtuar në këmbë drejt Kryeministrisë, Lulzim Basha flitet se është drejtuar drejt selisë së Partisë Demokratike për t’u takuar me strukturat e kësaj partie në Kavajë.
Ndërkaq flitet se nga tryeza e thirrur nga Presidenti për zgjidhjen e krizës politike nuk është arritur asnjë marrëveshje mes palëve.
Edhe kryedemokrati Basha zgjodhi të mos bënte asnjë koment mbi takimin prej 3 orësh zhvilluar sot në Presidencë me kryeministrin Rama, në shoqërinë e presidentit Bujar Nishani, Edi Palokës dhe Gramoz Ruçit.
(XH.A/SHUPLAKA)
