Nuk ka munguar ironia e kryeministrit, kryetarit të PS-së, me LSI-në. Duke iu referuar asaj çka përfaqësues të Lëvizjes Socialiste për Integrim theksojnë gjatë gjithë kohës, të qënit “Forcë e parë politike”, ai u shpreh sot nga Korça se të gjithë duan të jenë forcë e parë.
Rama theksoi se PS është e para, por tashmë do të fillojë me 71 vota.
“Shumë mirë që u bë, u bë kshu dhe u bë për 30 ditët e fushatës. Se ç’do ndodhë mbrapa këtë do e vendosni ju. LSI do të dalë forcë e parë, edhe PD. Edhe ne. Por duke qenë se ne jemi të parët, duam ta fillojmë me 71 vota për PS. Kjo nuk do të thotë se ne duam më shumë pushtet, por Shqipëria të mos humbë asnjë sekondë.”, u shpreh kryeministri.
(XH.A/SHUPLAKA)
