Kryeministri Edi Rama iu ka kthyer përgjigje për herë të parë naftëtarëve të ARMO-s.
Rama tha se shteti është fajtor për situatën, por se qeveria e tij i ka bërë përpjekjet maksimale për të zgjidhur problemin.
“Ne e kemi ngritur këtë aferë, operacioni doli me sukses dhe pacienti vdiq. Dhe ajo çka ne morëm ishte një i vdekur që duhej ringjallur. Pronari i ARMO-s është banka, dhe ajo çka ne kemi bërë sepse nga njëra anë jemi shumë të vetëdijshëm për vlerën kombëtare që ka ai aset, ka qenë të bëjmë çmos të nxisim interesimin e investitorëve. Ju thoni që gjendja teknike është e mirë, por sipas parametrave të sigurisë gjendja nuk është dhe aq e mirë. Elementët e tjerë që ju përmendët jam plotësisht me ju. Qendrat shëndetësore, uji, është e pakuptueshme sesi u futën të gjitha në atë privatizim kriminal. Janë të gjitha pjesë e problemit, kemi nisur me kohë të bëjmë ndarjen e plotë e përgjegjësive. Mos harroni se jeni në një sistem ku të drejtën e pronës e ka ai që është pronar.”-tha Kryeministri.
Rama foli dhe për opsionin e shtetëzimit, por tha se shteti sot nuk e përballon dot financiarisht këtë mundësi.
Rama tha se ka negociuar dhe me Bankers Petroleum, por pa rezultat real.
“Shtetëzimin nuk është se nuk e kemi menduar, por nga konsultimet nuk kemi një pamje të qartë, është një skemë me një kosto që sot për sot ne nuk e marrim dot përsipër. Unë iu qëndroj premtimeve. Premtimi për kushtin themelor, ajo rafineri është dizenjuar për naftën, qysh në fillesën e vet është projektuar për të shfrytëzuar naftën. Për këtë është e nevojshme një operator privat. Bankers Petroleum, pafund takime me Bankers për të nxitur planifikimin në funksion të ARMO-s. Jo se skemi patur sukses por ka munguar disponibiliteti i atyre që e kanë shfrytëzuar për të paguar financiarisht Bankersin.Unë nuk hyj tek ata që dorëzohem. Ju më njihni”tha Rama.
(F.G/Faxweb)
Discussion about this post