Rama jep afate: Vettingu do japë rezultatet e para këto dy-tre muaj

Kryeministri Edi Rama ka marrë fjalën në Asamblenë e PS-së, duke folur për situatën politike pas  zgjedhjeve të 25-qershorit.

Rama komentoi disa nga ngjarjet më të rëndësishme politike të vitit 2017.

Kryesocialisti foli për çadrën, marrëveshjen me PD-në, fitoren e timonit, dhe sigurisht nuk mund të mungonte në fjalën e tij “Reforma në Drejtësi”.

Rama tha se opozita po fshihet nga Reforma në Drejtësi, dhe se protesta e fundit e opozitës nxorri në pah dëshpërimin e dy partive opozitare.

Rama shtoi gjithashtu se procesi i Vettingut do japë rezultatet e para brenda 2-3 muajve të parë të vitit.

“Dhe ajo çka seanca e fundit e Kuvend e vitit të shkuar nxorri në pah me ngritje të forta dhe me kërcitje të mëdha është shprehja më kulmore e dëshpërimit, e mungesës së vizionit dhe ideve përballë faktit që reforma në drejtësi se po bëhet çdo ditë e më e pandalshme ndërkohë që procesi i vettingut do ketë rezultate dy tre muajt  e parë të vitit. Ne rrezikuam qeverinë por jo reformën në drejtësi.”tha Rama.

(F.G.Faxweb)