“Rama ka mbetur vetëm, njerëzit pranë tij duan ta rrjepin”

Analisti dhe gazetari i njohuir Artur Zheji, në një editorial me titull “Kryeministri, Dimri i tij politik dhe stili i ri koreano-verior ramist”, flet për vetminë e kryeministrit Edi Rama dhe përpjekjet e njerëzve rreth tij për ta shfrytëzuar,

Zheji niset nga largimi i Koço Kokëdhimës nga strukturat e PS dhe shkarkimi i zv.ministres së Financave, Briseida Shehu. Sipas tij, kjo është një goditje e stilit Koreano Verior, pasi Rama kështu po godet njerëzit e tij më të afërt.

“Persekutimi politik i Kokëdhimës, e pra djallosja më e fundit e Ramë vetmitarit, të cilit, ja kanë të gjithë me hile dhe duan ta shfrytëzojnë e ta rrjepin. Goditja e Kokëdhimës, pak ditë pak rrëzimit spektakolar të Brisit ose Briseldës, rrëfen një çakërdisje autoritariste të liderit suprem, që po u afrohet gjithmonë e me shumë metodave koreano-veriore në punë të shtetit. Sepse të godasësh në të njëjtën mënyrë dhe stil, Kokëdhimën, një themelues të pushtetit tënd, të Ramës pra, po ashtu si ndodhi kokëkputja e Brisit të tatimeve, një kukull, ndër të shumtat kukulla të qeverisjes ramiste, do të thotë se Ramë vetmitari, është koreanizuar ditë pas dite”, shkruan Zheji.

Sipas analistit, “Rama, ka hyrë në spiralen e pushtetit për Pushtet dhe po merr me shkelma idetë dhe ideatorët që e sollën atë në pushtet, njeri pas tjetrit dhe kjo lajmëron kohë të keqe për të gjithë, kur prisnim, që Ay, të ndreqte sidoqoftë disa gjëra të mbrapshta, trashëguar nga e kaluara”.