Ish-kryeministri Sali Berisha, i ftuar në emisionin “Kjo Javë” të gazetares Nisida Tufa, ka paralajmëruar protesta më të fuqishme javën e ardhshëm, sesa ajo e 18 shkurtit. Por gjithashtu ka përmendur edhe një intervistë të kryeministrit Edi Rama para shumë vitesh, ku ka deklaruar se ka tentuar disa herë të vetëvritet.
Sipas Berishës, kjo gjë mund t’i ndodhë sërish kryeministrit, në të kundërt “do ta krehin”.
“Jo nuk e kam aty, ai ka një problem ju e dini. Po të hyni të lexoni për historinë e tij, ky, njërës prej gazetave më të mëdha italiane i ka thënë se jo një herë por disa herë kam bërë tentativë për vetëvrasje. Se kur e lëshojnë nervat atë e lëshojnë atë pastaj. Ky është fatalitet. Ky quhet fatalitet në terma social, dhe kjo absolutisht do t’i ndodhë, ose do ta krrehin!
Mëshirë ishte 18 shkurti. E them edhe një herë se 80 ose 100 mijë vetë të atyre që erdhën, erdhën për t’i dhënë duart Edi Ramës. Mëshirë ishte ajo dhe bëmë mirë. Nuk ka provë më të shkëlqyer të vendimit të opozitës për zgjidhje paqësore se sa 78 ditë protestë, të të gjitha përmasave dhe një xham nuk është thyer. Kjo është mëshirë. Se e vërteta është se nëse situata merret në dorë nga revolucioni, zgjidhja do të jetë shumë e shpejtë.”, është shprehur Berisha. (D.D/Shuplaka)
Discussion about this post