Kryeministri Edi Rama nuk është në ditët e tij më të mira, dhe këtë e ka treguar dhe takimi që mbajti sot në Lezhë, gjatë prezantimit të kandidatit Pjerin Ndreu për Bashkinë e qytetit.
Me më pak se 900 ndjekës në rrjetet sociale, fjalimi i Ramës ishte shumë larg atyre entuziastë që jemi mësuar të dëgjojmë gjatë gjashtë viteve që ai është në krye të qeverisë. Për të shkuar më tej te detajet, kryeministrit iu desh që të lexonte fjalimin në letër, pasi i kanë shteruar fjalët.
Një detaj që duket se nuk iu ka pëlqyer aspak as qytetarëve, është fakti se Rama ka shkelur mbin ngjyrat e flamurit kombëtar Kuqezi.
I gjithë podiumi ku Rama mbajti fjalimin e tij kishte vetëm dy ngjyra kuqezi, njësoj si flamujt që valëvisnin simpatizantët e pranishëm në takim, një pjesë e karrigeve ishin bosh.
Pas krahasimit ne dhe ata, ku ju kujtoi lezhjanëve dhe Kullën e Sahatit në Tiranë, kryeministri nuk harroi që të kërcënonte me burg këdo që cënon zgjedhjet, një këngë që iu ka kërkuar dhe vartësve të tij, të këndohet përgjatë gjithë këtij muaji fushate.
Shifrat e uleta te ndjekesve te Rames ne rrjetet sociale: 
“Ata përça dhe sundo, ne me sa kemi mundur, mblidh dhe bashko.
Ata fut njerëzit nëpër piramida, zhyt Shqipërinë nëpër borxhe, ne laj borxhet dhe rindërto ekonominë sa herë na ka ardhur radha për të vepruar pas tyre.
Ata bam e bum me zjarr, aq sa herë shfaqen në ekran duhen larguar fëmijët nga TV dhe për fat të keq ne nuk ia kemi dalë gjithmonë të mos biem në nivelin e tyre…
Nuk e thotë kot populli; po fjete me qenin, do zgjohesh me pleshta”, u shpreh Rama.
“Kujtoni Tiranën, i kishte ngelur ora. Edhe këtij i ka ngelur ora… Se zemrekët e orës i ka Saliu, nuk i ka ai, më falni që ia përmenda emrin këtij të fundit se s’du t’i përmend as emrin”, u shpreh më tej kryeministri.
(E.K/Faxweb.al)
Discussion about this post