Rama konferencë pas mbledhjes së qeverisë: Më shumë turistë, do fillojë ndërtimi i rrugës Kardhiq-Delvinë

Kryeministri Edi Rama në përfundim të mbledhjes së qeverisë në Gjirokastër, ka dalë në një konferencë për mediat.

Rama ka thënë se ky vit, Gjirokastra do vizitohet nga më shumë turistë falë investimeve të qeverisë.

Rama ka premtuar nisjen e rrugës Kardhiq-Delvinë, premtim ky i bërë disa herë nga socialistët dhe demokratët, por ende i pakonkretizuar.

“Do ketë më shumë turistë këtë vit. Ka një rritje të numrit të turistëve në Gjirokastër. Në Pazar janë zëvendësuar dritaret, vetratat dhe përgatitemi për fazën e dytë. Nga ana tjetër fillon së shpejti ndërtimi i Bypass-it të Tepelenës, po ashtu fillon edhe ndërtimi i rrugës “Kardhiq-Delvinë” që është një investim strategjik që më në fund bëhet realitet këtë vit.”-tha Rama.

(F.G/Faxweb.al)