Kryeministri Rama ka konfirmuar sot në Komunikimin e tij Javor largimin nga qeveria të katër ministrave të përfolur që do të linin detyrën. Ata janë Tahiri, Çuçi, Klosi dhe Beqja. Sipas Ramës ata largohen vetëm për fushatën elektorale.
“Së pari keto ndryshime s’kanë asnjë lidhje me shfaqjet elektorale qe jepen një orë paradite dhe një orë pasdite në studion tv që është instaluar këtu poshtë zyrës time. S’kanë lidhje as me deputetët e shkretë të PD që bëjnë me turne nate me grafik për të ruajtur studion dhe turfullojnë me njëri-tjetrin për pagesat e figurantëve për të duartrokitur liderin që nuk e ka. S’kanë asnjë lidhje ndryshimet sigurisht as me muzikën, që mbush çadrën bosh gjatë gjithë ditës se të jem i sinqertë është një muzike nën nivelin mesatar të klubeve të natës së Shqipërisë. Ndryshimet janë duke fillluar nga:
- Saimir Tahiri, kampinoni ynë, sipas anketimit të BE ku besimi tek Policia e Shtetit është më e madhja.
- Blendi Klosi, i cili coi përpara stafetën që la Erion Veliaj.
- Ilir Beqja, i cili u godit pa mëshirë, me lobe farmaceutikë.
- Blendi Cuci, udhëhoqi reformën territoriale me Bashkimi Finon.
Kjo nuk lidhet me ndonjë kërkesë të Ilir Metës, partnerit tonë në qeverisje. Ndryshimet e qeverisë reflektojnë rëndësinë e fokusimit me energji të vazhdueshme pranë njerëzve në fushatën e zgjedhjeve. U bëj thirrje të gjithë mbështetësve të PS, të ngrihen në këmbë, të trokasin derë më derë për një fitore më të pashembullt se e shkuara.
Të gjitha ndryshimet jane politike dhe ministrat dhe ministret qe do ti coj Presidentit për dekretim do të jenë të 4 nga rradhët e PS”, tha Rama. (M.D/ Shuplaka)
Discussion about this post