Rama krah për krah me Qazim Sejdinin, drekon tek një familje elbasanese, s’harron ta transmetojë në ERTV

Kryeministri Edi Rama është ndalur në Shushicë të Elbasanit, në familjen e Osman Rexhës, për t’i dorëzuar të moshuarit lejen e legalizimit.

Në këtë takim, ai shoqërohej nga kryetari i Bashkisë së Elbasanit, Qazim Sejdini dhe deputeti Taulant Balla. Një drekë në oborrin e shtëpisë, me produkte fshati, ku qëndronin 6 burra dhe 1 grua, e zonja e shtëpisë.

Në krah të kryefamiljarit, kryeministri ka bërë edhe batuta. Në një moment, kryefamiljari Osman Rexha i thotë “po ik, ik ku të duash”. “Po ku të shkoj?”, e pyet Rama, teksa i moshuari i përgjigjet “Po ik në Amerikë…”

Një tjetër moment është ai ku Rama pyet të moshuarin “nëse i ka ndjekur çadrat”: “Po këto çadrat i ke ndjekur? Këta duan me t’bo për budalla me zor…”, dëgjohet të shprehet kryeministri.

(XHA.A/SHUPLAKA)