Kryeministri Edi Rama ka zgjedhur të vizitojë familjen e kryeprirësit të ndjerë shpirtëror të ritit bektashian në botë dhe Kryegjysh i Krygjshatës Botërore Bektashiane, Haxhi Dedë Reshat Bardhi.
Ajo që bie në sy është se në këtë vizitë, kreun e Qeverisë e shoqëron ish-ministri Saimir Tahiri. Në takimin me të afërmit e tij, të cilëve u ka uruar këtë ditë të shënuar për besimtarët bektashinj, kryeministri ka biseduar me ta mbi rritjen e rrogave, pensioneve, rikonstruksionin e kopshteve, duke mos lënë pas dore arritjet e qeverisë dhe Bashkisë së Tiranës.
Ai ka marrë pranë vetes vogëlushen e ulur përbri tij, të cilën ka nisur ta pyesë: “Veliaj e ka bërë mirë kopshtin? Me të ftohtin e madh atje ishte hata…”
“Z. Rama, ajo ka përgatitur diçka për ju që dje në darkë.”, dëgjohen të flasin familjarët për vogëlushen, teksa Rama insiston “Hë thuaje surprizën, thuaje”, teksa mbesa e shtëpisë e pyet: “Ku është surpriza ime?”
“Në fakt, ajo priste suprizë nga ju!”, vijojnë familjarët. “Ah po erdha, ja ku jam”, shprehet kryeministri duke nënkuptuar se ai është surpriza.
Due iu drejtuar familjarëve të rritur, ai është përqëndruar tek rritja e rrogave dhe pensioneve.
“Rrogat e reja i merrni në fund të marsit. Do donim ti rrisnim më shumë por…”, dëgjohet Rama teksa i drejtohet njërës prej të afërmve të Haxhi Dedë Reshat Bardhit. Duke folur më pas me më të moshuarin në këtë vizitë të tij, ai shprehet:
“Tavani u hoq dhe të gjithë ata që përfitojnë janë pensionistët. Por kjo nuk vlen për ata që kanë dalë në pension përpara reformës. Shumë janë kosto të së kaluarës, por e rëndësishme është të vendoset një bazë.”
(XH.A/SHUPLAKA)
Discussion about this post