Kryeministri Edi Rama deklaroi pasditen e sotme se tatim-fitimi për për bizneset e vogla për vitin 2020 është falur, por nga anA tjetër pranoi se do të vazhdojnë sigurimet dhe TVSH-ja.
Rama tha se qevria ka ndjekur modelin e saj për menaxhimin e situatës dhe argumentoi se ekziston pas çdo hapi mundësia e heqjes së frenave dhe numri i të infektuarve të rritet jashtë normales.
Sipas kryeministrit, pot ë krahasohemi me modelin statistikor italian, do të kishim afër 50 mijë të prekur dhe do ta kishim të pamundur terapinë, teksa ka paralajmëruar se normaliteti e ri nuk do të jetë ai që kemi jetuar më parë.
“Tatim-fitimi për bizneset e vogla për vitin 2020 është falur, por do të vazhdojnë sigurimet dhe natyrisht TVSH-ja. Ne kemi hyrë në një kthesë graduale duhet të bëjmë që të gjithë pak durim. Çdo rritje shpejtësie mund të na kushtojë shumë. Duhet të jemi të vetëdijshëm se ekziston pas çdo hapi mundësia e heqjes së frenave dhe numri i të infektuarve të rritet jashtë normales. Ne kemi modelin tonë të parashikimit tonë të numrave dhe do të na udhëheqë në vendimarrjet tona.
Nëse nuk do të kishim marrë masat, nëse do ta kishim ulur kurbën e epidemisë nën parashikimin tonë më optimist, sot nuk do të mërziteshim por do të qanim shumë të vdekur dhe shumë të plagosur nëpër shtretërit e spitaleve tona. Po ta marrim modelin statistikor italian do të kishim afër 50 mijë të prekur dhe do ta kishim të pamundur terapinë. Nëse nuk vazhdojmë të bëjmë deri në fund detyrën mund të ndodhë shumë më keq se ka ndodhur, ky është fakt. Duhet ta ndajmë mirë mendjen që normaliteti i ri nuk do të jetë normaliteti që kishim përpara se të hyjmë në këtë kohë të jashtëzakonshme. Do të duhet të kemi një sjellje të re në raport me sigurinë dhe t’i imponojmë njëri-tjetrit të gjitha ato kushte dhe rregulla”, tha Rama.
(F.GJ/FAXWEB.AL)
Discussion about this post