Kryeministri Rama një ditë pasi prezantoi aksionin për “Pastrimin e Shqipërisë që Duam”, me anë të një postimi në rrjetet sociale, ndësa ka shpërndarë dhe një video ka bërë thirrje për t’i dhënë fund historisë së plehrave që hidhen kudo në Shqipëri pasi është një turp për të gjithë.
POSTIMI I RAMËS:
Krenarë për Shqipërinë? Dakord! Po si do i’a bëjmë plehrave që plot krenarë ndër ne, i hedhin mbi trupin e Shqipërisë ashtu siç asnjë pushtues nuk i hodhi kurrë?!
Duam një Shqipëri më të fortë? Dakord! Po si mund të bëhet më e fortë Shqipëria e sulmuar nga të katër anët nga plehrat që bijtë e saj hedhin kudo?!
Shqipëria destinacion i ri turistik në Mesdhe? Dakord! Po si do ta heqim njollën e turpit që i vëmë vetes në sytë e çdo turisti që mrekullohet nga bukuritë e këtij vendi dhe tmerrohet nga plehrat që njerëzit e vet i hedhin vendit të tyre mbi fytyrë?!
SË BASHKU T’I JAPIM FUND KËSAJ HISTORIE QË NA TURPËRON TË GJITHËVE. TANI!
(B./Faxweb)
https://www.facebook.com/edirama.al/videos/10155331697716523/
Discussion about this post