Kryeministri Edi Rama ka kritikuar së fundmi kryetarin e Bashkisë së Vlorës, Dritan Leli, për prishjen e një objekti, pallat 13-katësh në Bulevardin kryesor të qytetit. Sipas Prokurorisë, nuk rezulton që KRT-ja e Vlorës të ishte mbledhur për të dhënë këtë leje.
Kjo kritikë e tij nuk ka kaluar pa u komentuar nga deputeti i Lëvizjes Socialiste për Integrim në qytetin e Vlorës, Flamur Çelaj, i cili u shpreh se pavarësisht prishjes së objektit, fajtor nuk ka, pasi ai duhet për fushatë elektorale.
Në reagimin e tij të shkurtër, ai shprehet se “loja e tifozllëkut dhe gjëegjëzave u zgjidh për pallatin e 3 Rracave”, duke u shprehur se shkak i mungesës së një fajtori janë planet për fushatën elektorale.
Shkrimi i Flamur Çelaj:
“Loja e gjeagjezave dhe e tifozllëkut se kush është fajtori e kush duhet të paguaj dëmin, u Zgjidh për pallatin e 3 Rracave !
1.Fajtor nuk ka! ( duhen për fushatë elektorale )
2.Dëmin e paguajnë taksapaguesit Vlonjat!
Ec e gjeje këtë punë!!!
Kaq vite sharrje, pështyma, akuza, ndjekje penale, denigrime përfundojnë me vetëm një të dëmtuar, popullin e Vlorës që duhet të paguaj dëmet e politikës së baltës.
Pafytyrësia nuk ka kufi përpara fushatave elektorale, por populli i Vlorës e di sesi do ta jap verdiktin e vet dhe tu tregoj vendin Pisave.
(XH.A/SHUPLAKA)
Discussion about this post