Sot është hapur sezoni turistik. Kryeministri Edi Rama u shpreh se objektivi është që këtë vit Shqipërinë ta vizitojnë 15% më shumë turistë në krahasim me vitin e kaluar.
Por ajo që u vu re ishte edhe një apel mediat që të japin ndihmën e tyre për promovimin e Shqipërisë.
Rama, i cili sa herë që zihet ngushtë nga gazetarët dhe nuk ngurron ti etiketojë si kazan kur mediat e ‘bezdisin’ me pyetjet e tyre, është i mendimit se ndihmesa është e mirëpritur. “Nëse dhe mediat do të japin edhe ato ndihmesën e tyre, duke nxjerr në pah jo vetëm aspektet negative, atë e dinë shumë mirë ta bëjnë dhe e bëjnë me një zell që kalon çdo lloj pritshmërie, por dhe aspektet pozitive dhe ndër to kryesorin pozitivitetin në raport me pastërtitë aty ku ajo është, për ta promovuar atë do të ishte një ndihmesë e mirëpritur edhe pse me thënë të drejtën shpresa në këtë aspekt është fare e zbehtë”, tha ai. (B.H/Faxweb)
Discussion about this post