Kreu i opozitës Lulzim Basha ka vijuar sot me protestën te çadra e opozitës. Ai ka paralajmëruar se beteja e opozitës do të përshkallëzohet deri në mosbindje civile. Sipas Bashës Rama nuk do të mund të qeverisë asnjë ditë pas 18 qershorit.
‘’Edhe formalisht këta i dogjën afatet, listat i dorëzuan 24 orë me vonesë. Ose ka ligj ose nuk ka ligj, këta i kanë shkelur të gjitha.
Këto mund të jenë zgjedhjet e pazarit të peshkut po jo të gjithë shiptarëve. Ne sot do të diskutojmë se çdo ndodh në Kavajë.
Nga e hëna e tutje do të shtrijmë mosbindjen civile në të gjithë vendin. Nuk e di se çfarë planesh ke bërë Rama ku po të çon mushka, po të them që nuk do të qeverisësh asnjë orë të vetme pas 18 qershorit. Ose bëhu pjesë e zgjidhjes ose shporrru. E keqja po mposhtet e mira do të triumfojë’’, u shpreh Basha.
Kujtojmë se ditën e dielë në Kavajë do të mbahen zgjedhjet për pushtetin lokal, ndërkohë që opozita nuk do të marrë pjesë në zgjedhje dhe nuk ka paraqitur asnjë kandidat. (E.K/SHUPLAKA)
Discussion about this post