Reshjet e dendura të dëborës dhe temperaturat e ulëta kanë qenë një dukuri e zakonshme, megjithëse vitet e fundit ka munguar i ftohti ekstrem.
Këtë e thotë vetë kryeministri Edi Rama përmes një foto të publikuar në rubrikën “Amarcord” në Facebook,
Kreu i qeverisë ka postuar dy fotografi të Marubit dhe Vani Burdës, të cilët kanë fiksuar reshjet e dëborës në Shqipëri.
Sipas Ramës, bora e dendur ka qenë karakteristikë për vendin tonë.
“Jemi ç’mësuar të përjetojmë një prani kaq të dendur të dëborës dhe të ftohtit në Shqipëri, ndonëse në një të kaluar jo shumë të largët, të dy këto elemente të klimës ishin të shpeshtë gjatë stinës së dimrit, aq sa edhe dy fotografë të mirënjohur, Marubi dhe Vani Burda, nga jugu në veri, nga Boga në Korçë, nuk kanë ngurruar t’i pavdeksojnë në pllakat e tyre të xhamit apo në celuloze”, shkruan Rama në Facebook. (A.R/SHUPLAKA)
Discussion about this post