Pjesë e rubrikës “Amarcord” të kryeministrit Edi Rama është bërë së fundmi edhe femra shqiptare, emri i së cilës ka jetuar ndër vite dhe lidhet ngushtësisht me festën tonë kombëtare.
Bëhet fjalë për Marigonë që qëndisi flamurin kuq e zi, të cilën Rama e cilëson si apostullen e vetme femër të Ditës së Rilindjes së madhe. Ai shkruan ndër të tjera se qëndistarja ishte bashkëshorte e një patrioti të madh, ishte nga më të shquarat figura të emancipimit të grave në Shqipëri.
“AMARCORD
Ka veç dy javë distancë mes ditës së ndarjes nga jeta, 23 shkurt 1932, të apostullës së vetme femër të Ditës së Rilindjes së madhe, Pavarësisë, Marigo Pozios dhe datave të shënuara të 7 dhe 8 marsit.
Marigoja kujtohet mbi të gjitha si qëndistare e flamurit kombëtar më 1912, por kurrsesi nuk mund të harrohet se e 27-ta nxënëse e Mesonjëtores së vashave, bashkëshorte e një patrioti të madh e të kultivuar, ishte nga më të shquarat figura të emancipimit të grave në Shqipëri.
Është vepër e saj shoqëria e grave “Shpresa kombëtare”, po ashtu edhe gazeta me të njejtin emer e 1921, e para në Shqipëri e drejtuar nga një grua.
Në këtë foto e shohim ende të re, në të djathtë, me dorën mbështetur tek bashkëshorti i saj, Jovani, që aq shumë u sakrifikua për përparimin e kombit shqiptar.”, shkruan Rama. (XH.A/SHUPLAKA)
Discussion about this post