Kryeministri Edi Rama ka organizuar sot një takim me gra të politikës dhe medias. Duke qënë se sot ishte dita e tyre, kryeministri ka preferuar të qëndrojë në prapaskenë. Ka qenë bashkëshortja e tij ajo që ka folur fillimisht në këtë takim.
‘’Jam përpjekur ti qëndroj larg diktaturës ndaj grave, duke mos pasur edhe një profil në rrjetet social. Shumëkush thotë që internet ka rritur mundësinë e komunikimit po unë mendoj se nuk është fare e vërtetë, sepse përtej klikimeve ka portrete grash që dhunohen. Pak rëndësi ka sa e vërtetë duket një grua po nëqoftë se sheh fytyrën e një gruaje do ta kuptosh këtë’’, tha Linda në fjalën e saj.
Ndërkohë që kryeministri me pak fjalë u shpreh se sa më mirë të jetë gjendja e grave dhe vajzave aq më e mirë do të ketë dhe shoqëria.
‘’Sa më mirë të jenë gratë e vajzat rreth teje aq më mirë për ty, sa më mirë është shoqëria falë tyre aq më mirë është për ty. Unë mund ti siguroj gjithë burrat se sa më pak frikë të kenë nga protagonizimi i grave aq më mirë do të jetë’’, tha Rama. (E.K/SHUPLAKA)
