Pak orë pas ndarjes nga jeta të shkrimtarit të madh Dritëro Agolli, reagon Kryeministri Edi Rama, i cili përmes disa rreshtave shpreh dhimbjen dhe vlerësimin e tij njëhohësisht, për një figurë aq të rëndësishme për kulturën shqiptare siç qe ai.
“LAMTUMIRË DRITËRO
U prehsh i qetë në tokën ku le pas një mal të lartë përjetësie, i cili do të mbetet vend pelegrinazhi për gjithë të dashuruarit pas letrave shqipe, brez pas brezi…”, shkruan Rama.
Agolli ndërroi jetë në moshën 85-vjeçare në spital. Prej disa ditësh, ai ishte shtruar në sanatorium, për shkak të gjendjes së tij të rënduar shëndetësore prej një sëmundje pulmonare.
Gjashtë ditë më parë, ai u dërgua me urgjencë në sanatorium, për shkak të komplikimeve në rrugët e frymëmarrjes. Fillimisht u raportuar në media se Agolli kishte refuzuar të shtrohej në spital, por pas këmbënguljes së familjarëve dhe të mjekëve ishte bindur. Por pavarësisht se ishte nën kujdesin intensiv të mjekëve, ai ndërroi jetë 8 ditë më vonë në spital, rreth orës 16:00 të pasdites së sotme. (D.D/Shuplaka)
Discussion about this post