Kryeministri Edi Rama në emisionin “Top Story” ndër të tjera Rama është pyetur nga Sokol Balla dhe për letrën dhe shqetësimin e ministrit Petrit Vasili për Bordin e Monitorimit Ndërkombëtar ne lidhje me zbatimin e ligjit të vettingut.
Rama tha se shqetësimi i ministrit Petrit Vasili mbetet shqetësim i qeverisë, ndërsa u shpreh se ai ka shkruar në emër të qeverisë shqiptare.
“Petrit Vasili nuk më ka shprehur rezerva mua për Vettingun. Ai është ministër i kësaj qeverie. Çdo pakënaqësi apo shkelje kushtetuese që ai ka konstatuar unë jam vënë në dijeni” tha Rama.
Balla: Pra jeni dakord me Ministrin Vasili?
Rama: Ai është Ministër i kësaj qeverie pra, të cilën e drejtoj unë.
Sokol Balla insistoi duke e pyetur prapë nëse ky është shqetësim edhe i juaji, kryeministri tha prerë “Po”.
Kujtojmë se ministri i Drejtësisë, Petrit Vasili, në datën 20 shkurt i ka dërguar një letër dy ambasadorëve, atij amerikan Donald Lu dhe asaj të BE-së, Romana Vlahutin, të cilët do të jenë edhe anëtarë në bordin e ONM-së për zbatimin e ligjit të vettingut.
Në letër Vasili thekson se ngritja e Bordit të Monitorimit Ndërkombëtar është antikushtetues. Ai thotë gjithashtu se për rolin që do të ketë ONM-ja duhet një marrëveshje ndërkombëtare.
(M.D/ Shuplaka)
Discussion about this post