Ish-kryeministri Sali Berisha, mbrëmjen e sotme ka folur rreth protestave të paralajmëruara nga Partia Demokratike dhe opozita në tërësi, që do të kulmojnë me protestën e 16 shkurtit.
“Opozita po del përballë historisë. Ky është një moment i jashtëzakonshëm për opozitën dhe popullin opozitar. Opozita ka vendosur të përballet me regjimin e kakistokracisë. Nëse ka një vendim më të keq kundër këtij vendi, pas atij të Enver Hoxhës është kjo e Edi Ramës”, – tha Berisha në Opinion.
Sipas tij vendi është në një situatë kritike, ndërsa tha: “Mbaj mend në asamblenë e NATO-s, ku Shqipëria shihej si një vend i mafies për shkak të lajmeve, por në harkun kohor prej 18 muajsh gjithçka ndryshoi. Por sot vendi është i kapur kokë e këmbë nga mafia.
Në Këshillin e EUropës, kanë lidhur Shqipërinë me sheriatin. Kjo ndodh kur e bën vendin në qendër të kritikave”.
Më tej ai tha: “Rama është Moduro i Evropës, është një mikro mostër. Ai futi policinë në tempullin e dijes për tu përballur me studentët. Këtë se bëri as Ramiz Alia. Edhe kur i takoi Adil Çarçani, vajza i tha: “Unë nuk bëj fëmijë në këtë shtet”, dhe ai nuk i nxorri jashtë”.
I pyetur se çfarë do të bëjë opozita dhe si do ta rrëzojë Edi Ramën, ai u shpreh:
“Opozita do të përmbysë këtë regjim, me të gjitha mjetet e mosbindjes civile. Ashtu siç po ndodh në Venezuelë me Moduron. Edi Ramën do ta rrëzojë me revoltën popullore. Kur revolta popullore ndizet, ajo nuk është më energji elektrike, por një energji nukleare”.
(B.B/ Faxweb.al)
Discussion about this post