Në fillim të muajit mars, Kryeministri Edi Rama pati deklaruar se ishte i gatshëm të futej edhe në një çadër, mjaft që të dialogonte me opozitën në mënyrë që të shpëtohej Vettingu.
Sakaq, kreu i Aleancës Kuqezi për Tiranën, Augent Xhaferaj ka publikuar sot një foto të Ramës, të futur në çadër, duke mbajtur kështu fjalën e dhënë Po po në çadër! Por jo në çadrën e opozitës ama. Por si në ditët me shi, si çdo qytetar edhe Rama ka përdorur çadrën për t’u mbrojtur nga shiu.
“Edi Rama mban fjalën e dhënë :
Dialog për çdo çështje dhe pa kushte me opozitën, jam i gatshëm të futem dhe në çadër.”, shkruan me ironi Xhaferaj.
Pas protestave që vazhdojnë që prej të shtunës së 18 shkurtit, më 4 mars Rama deklaroi se ishte i gatshëm të dialogonte me opozitën, në mënyrë që kjo e fundit të mos e bojkotonte më Parlamentin.
“Dialog për çdo çështje dhe pa kushte me opozitën, edhe tek çadra po të duan, po opozita nuk duhet të mbajë peng Drejtësinë dhe të ardhmen e këtij populli duke bllokuar Vetingun që çliron Shqipërinë, ekonominë, integrimin, punësimin, nga kthetrat e gjykatësve e prokurorëve të korruptuar”, ishin fjalët e Ramës. (D.D/Shuplaka)
Discussion about this post