Kryeministri Edi Rama ka zhvilluar një mbledhje me Komitetin Kombëtar të Rindërtimit. Gjatë mbledhjes kryeministri Rama i bëri sërish ftesë opozitës që të ulen në një tryezë për diskutimin e gjendjen së jashtëzakonshme.
“Do doja të ishte këtu edhe opozita, është e mirëpritur sepse këtu nuk kemi çfarë të ndajmë. Ajo që ndajmë këtu është sfida dhe jo vetëm në aspektin financiar për të garantuar sukses. Nuk është e thënë që nëse ke fondet je i garantuar për sukses, nëse nuk i organizon mirë ato”, tha Rama.
Ndërkohë që Rama u shpreh se qeveria do të jetë transparente me fondet e grumbulluara.
“Ajo çka dua të ndani me mua është ndarja e kësaj barre të vështirë jo vetëm financiare. Të bëjmë maksimumin e duhur, dhe me cilësinë më të mirë, me ato fonde që kemi. Të japim mesazhin për të gjithë, të kanalizojmë kontributet. Nuk mundet që në këtë forcë të madhe solidariteti ti lejojmë vetes të kalojmë në sponatinete. Unë ju garantoj të gjithëve se, nga qeveria do të jetë plotësisht e përkushtuar dhe tërësisht transparente, dhe do ti nënshtrohet të gjithë vendimmarrjeve të këtij komiteti.”- u shpreh Rama.
Discussion about this post