Avokati Gylsen Zhllima në një intervistë të dhënë për FaxNews ka komentuar edhe mbledhjen që zhvilloi një ditë më parë kryeministri Edi Rama me administratën e bashkisë së Tiranës.
Avokati theksoi se me këtë mbledhje Rama tregoi se është ai që i ka të gjitha dhe se do të jetë ai në krye të drejtimit të bashkisë.
“Duke qenë koherent gjithmonë Rama e ka thënë përhere se është ai gjithçka për shtetin shqiptar dhe nuk jamë asgjë këtë gjë e ka vërtetuar edhe dje, ndërsa për Veliajn nuk tha asgjë. Në aspektin politk Rama tregoi se pavarësisht se Veliaj ndodhet në burg, kreu i qeverisë tha se do të marrë drejtimin e bashkisë së Tiranës dhe e legjitimiton veten si kryetar i PS ndërsa si kryeministër nuk legjitimohet pasi kemi të bëjmë me një pushtet të ndarë nga qeveria”, ka thënë ai.
Ndër të tjera në intervistën e tij me gazetarin Albi Rakip, avokati ka theksuar se me një organizim dhe fjalor të tillë po njohim ramën e vërtetë.
“Ju do të kuptoni se Edi Rama i vërtetë ka qene në ’98 ndërsa pas 2013 kemi një ndryshim pasi rama dhe ajo që bën në publik së fundmi me qytetarët ka një gjuhë që qarkullon në video të ndryshme. Mënyra sesi ai u shpreh në një demostratë të tillë duke risjellë veten e tij, është një tjetër qasje ndaj figurës së tij. ai do të tregojë te të gjithë se ai është gjithçka dhe brenda PS do të tregojë se nuk e ka Lëshuar Erion Veliajn, ndaj edhe bëri një demostratë të tillë”, është shprehur avokati.
