Pasditen e sotme kryeministri Edi Rama do të mbledhë në Velipojë ministrat e rinj të tij. Kjo është mbledhje e dyta që Rama bën me kabinetin e tij pas asaj të Llogarasë, ku kjo e fundit pati dy seanca.
Mësohet se takimi në Velipojë do të zhvillohet sot pasdite por do të ketë edhe një mbledhje nesër në mëngjes. Po kështu ditën e shtunë është seanca e parë parlamentare dhe futja në parlament e qeverisë së re.
Mësohet se takimi informal dyditor do të vijojë takimin e një jave më parë, ku Kryeministri u kërkoi atyre që të studiojnë dhe përcaktojnë se si do të shkrihen drejtoritë dhe pjesët e ministrive që iu bashkangjitën atyre që u quajtën superministri.
Sipas “Panorama” mbledhja e sotme do të përcaktojë dhe kompetencat e reja të zv.ministrave, të cilët do të mbulojë sektorët përbërës të ministrive të zgjeruara. Burime nga Qeveria thanë se gjithashtu, ministrat nisur dhe nga turi i dëgjesave, kanë përfshirë në programin e çdo dikasteri prioritete e qytetarëve. (J.V/Shuplaka)
Discussion about this post