Ashtu siç është paralajmëruar ditë më parë Kryeministri Edi Rama mbledh sot për herë të parë deputetët e zgjedhur në 25 Qershor. Apeli ka qenë i qartë se asnjë nga 74 të zgjedhurit nuk duhet të mungojë.
Nga ajo që mësohet është se fokusi i takimit që nis nga ora 11:00 do të jenë shqetësimet e qytetarëve ndaj administratës publike.
Rama do u kërkojë deputetëve të rinj që të mbledhin të dhëna dhe më pas të vënë në dijeni për çdo shqetësim që ndodh në qarqe sa i takon problemeve brenda administratës.
Kujtojmë se administrata ka qenë në qendër të retorikës së kryeministrit dhe gjatë ditëve të fushatës.
Dy ditë më parë kreu i qeverisë njoftoi se ai dhe grupi i tij do të zhvillojnë një tur përreth 30 ditë për të dëgjuar qytetarët e thjeshtë për shqetësimet që kanë ndaj qeverisë dhe administratës. Sipas tij, pas turit 30 ditor të gjitha të dhënat e mbledhura për institucionet dhe zyrat e shtetit, do të analizohen imtësisht qark për qark.
(E.K/SHUPLAKA)
Discussion about this post