Kryeministri Edi Rama, mbrëmjen e sotme ishte i ftuar në emisionin “Xing me Ermalin”, ku ka folur për marrëveshjen me Bashën, presidencën e Metës si edhe për një sërë gjërash të tjera, por jo vetëm për politikë, fundja Ermal Mamaqi me batutat e tij nuk kishte si të lejonte vetëm politikë.
Në një moment, Rama ka vendosur duart mbi fytyrë, duke mos e përballuar dot situatën me Ermalin, i cili si gjithmonë nuk i lë ngacmimet dhe batutat.
Moderatori e pyet kryeministrin se përse kohët e fundit nuk ua jep dorën shumë njerëzve, mirëpo kur në një moment Rama i thotë “shiko si më është rrjep dora… nga shtrëngimet e duarve”, Ermali ia fillon me të qeshura pasi i shkon mendja diku tjetër… duke e vënë kështu Ramën në siklet. Kryeministri duke mos e mbajtur dot veten nga të qeshurat, mbulon fytyrën me duar.
BISEDA:
Mamaqi: Ka ndonjë arsye, se të kam vënë re që nuk ia jep dorën shumë njerëzve, e eviton
Rama: Shife dorën se më është rrjep dora, kamerën shife
Mamaqi: Pse të është rrjep se më shkoi mëndja te…
Rama: Duke shtrëngu dorën kshu
Mamaqi: Aha okej…. (Ia nis me të qeshura)
Rama: U bënë shumë vite që s’janë në pushtet dhe aty u shkon mendja gjithë kohën
Ermali: Thashë mos kishe ndonjë merak me këta nejrëzit kështu, që kur të prekin të marrin energjitë pozitive
Rama: Jo jo
Sakaq, Rama ka folur për marrëveshjen me kryetarin e Partisë Demokratike Lulzim Basha.
Në një moment, Mamaqi e pyet nëse marrëveshja e tij me Bashën ishte në dëm të LSI-së.
“Kush e kërkonte marrëveshjen më shumë nga të gjithë më thuaj? Unë e doja, ti e pe sa iu luta Lulit, aman o Lul, ai thoshte pa kushte, sill dorëheqjen…
Nga ana tjetër, aleatët tanë ishin të gatshëm të jepnin gjithçka vetëm që të kishte marrëveshje. A thonin besim besim, tani janë mosbesues për besimin. Dolën kundër e u mërzitën si prindërit e Romeos e Zhuljetës.”, tha Rama, duke mos iu përgjigjur drejtpërdrejt pyetjes së Ermal Mamaqit.(D.D/Shuplaka)
