Kryeministri Edi Ram ka ripërsëritur nevojën e përfshirjes së vendeve të Ballkanit në Bashkimin Europian, si mënyrë për të shmangur ndikimin e islamit radikal dhe Rusisë në rajon. Tezë kjo e hedhur së fundmi nga ana e tij.
Në intervistën e dhënë për gjermanen “Frankfurter Allgemeine Zeitung”, ai i ka qëndruar besnik tezës së tij.
Kreu i Qeverisë shqiptare mendon se është në interes të Unionit që shtetet e Ballkanit të bëhen pjesë e saj duke mos i lënë vend hapësirave:
“Ne duam qëndrueshmëri dhe siguri në Union dhe një Europë e sigurt nuk është e mirë nëse ka hapësira. Në të kundërt, nuk duhet të harrojmë se ka edhe aktorë të tretë, të cilët po luajnë lojën e tyre dhe që mund të përfitojnë nga boshllëqet që krijohen brenda Unionit. Po flas për Rusinë, por po flas edhe për islamizmin radikal.”, është shprehur ndër të tjera kryeministri.
Serbia, Bosnja, Kosova, Maqedonia, Mali i Zi dhe Shqipëria janë vendet që po përpiqen të jenë pjesë e BE-së, diplomatë të së cilave kanë ngritur shqetësimin se prej disa kohësh Rusia po përpiqet të shtrijë ndikimin e saj.
Discussion about this post