Kryeministri Edi Rama ka reaguar për herë të parë pas përfundimit të ndeshjes finale të “Champions League” , ku skuadra e tij e zemrës Juventusi pësoi disfatë.
Rama ka postuar një video ku shihet në sediljen e pasme të makinës, me kufje në vesh dhe muzikë klasike në sfond, si edhe me disa letra në dorë, të cilat me shumë mundësi mund të jenë fjalimi që ai do mbante në takimet elektorale.
Në video ai shihet duke lexuar shënimet, ndërsa papritmas i mbërrin një telefonatë. “Alo, po po”, dëgjoht duke thënë. Duket sikur me këtë postim, Rama mundohet të thotë që “jeta vazhdon” edhe pas humbjes së Juves.
Rama njihet nga të gjithë tanimë se është tifoz i zjarrtë i skuadrës italiane të Juventusit, pasi këtë nuk nguron ta shprehë në çdo mënyrë të mundshme. Mirëpo pas katër golash të pësuar, disfata ishte mjaft e rëndë për Juventusin mbrëmjën e sotme dhe në stadiumin “Millennium”, mbret i Eurozonës u shpall Real Madrid.
Kur Mandzukic shënoi golin e barazimit, të parë dhe të vetëm për Juventus, Rama nuk nguroi ta shprehte gëzimin në Facebook. Mirëpo kur Reali mori situatën në dorë dhe shënoi edhe tre gola të tjerë, Rama u largua nga ndeshja të cilën po e ndiqte në një ekran të improvizuar në fushën e blertë të Kryeministrisë. (D.D/Shuplaka)
