Edi Rama tha sot se është telefonuiar nga kancelarja gjermane Angela Merkel, ndërsa një pyetje e ka ndezur debatin në studion e “Opinion” kur Fevziu e pyeti nëse kancelarja nuk kishte punë tjetër për të bërë.
Ndërkohë kryeministri e ka quajtur moderatorin ‘diversant’, por më pas zbuloi edhe çfarë kishte diskutuar me Merkelin.
Pjesë nga debati:
Rama: Më mori kancelarja në telefon, nuk e mora unë më mori ajo.
Fevziu: Nuk kishte punë tjetër të shpenzojë 45 minuta me ju?
Rama: Unë nuk kam ardhur të bëj shaka këtu Mos u bëjë diversant.
Fevziu: Nuk po bëj diversant, po të pyes.
Rama: Lëri ato.
Fevziu: Çfarë të tha Merkel?
Rama: Nëse ti do të më fyesh, të thuash që ajo nuk kish punë tjetër, i bie që unë s’kam punë tjetër e të flas më ty… Dhe për çfarë flet, flet për si ndodhi, pse ndodhi dhe çfarë duhet të bëjmë bashkërisht që kjo që ndodhi të riparohet duke bërë gjënë e duhur. Sipas kancelares duhen hapur negociatat me Shqipërinë dhe Maqedoninë e Veriut. Kancelarja e Gjermanisë merr ne telefon sepse është një person që është shumë i përfshirë në këtë proces. Si e shpjegon këtë që Gjermani e angazhuar, e rakorduar me ne për të ndërtuar një proces komunikimi me vendet që janë skeptike
(F.GJ/FAXWEB.AL)
