Rama me një tezë të re, legalizimi i kanabisit çështje kohe: Është herët, kjo temë do të hapet në të ardhmen

Kryeministri Edi Rama në një intervistë të dhënë për ‘Dialogplus’ ka deklaruar se zhvillimet në Ballkan dhe vend janë përherë e më kaotike.

I pyetur për situatën e kanabisit në vend Rama është shprehur se përgjegjësia e kanabist nuk është vetëm e qeverisë së tij.

‘’E para e punës, kjo është qeveria e parë që po e lufton kanabisin në rrënjë. Kanabisi aty ka qenë, por ne e kemi hapur një luftë që nga fakti se ne e kemi ndryshuar statusin e policisë: pra, pas çdo rasti, çdo rrënje, çdo ndalimi për çështje të kanabisit ka një deklaratë publike, deri dje ishin komunikata sekrete. Jam i bindur se këtë vit do bëjmë një hop shumë të madh, sepse tani e kemi të qartë komplet territorin, e kemi tani komplet të qartë edhe organizimin për t’i dhënë fund këtij fenomeni shqetësues për shoqërinë’’, ka deklaruar Rama.

Ndërkohë që çuditërisht kryeministri nuk e ka mohuar as mundësine  e legalizimit në të ardhmen të kanabisit.

‘’Është herët për legalizim, sepse sa kemi filluar vënien nën kontroll të territorit. Besoj se kjo temë do të hapet në të ardhmen, por së pari duhet të vëmë nën kontroll territorrin’’, ka përfunduar Rama.

Duhet thënë se kjo deklaratë e kryeministrit vjen në një kohë kur debatet në vend për situatën e drogës janë përherë e më të ethshme. (E.K/SHUPLAKA)