Kreu i qeverisë Edi Rama është treguar ironik dhe mbështetës me deputetin e sapofutur në Kuvend nga radhët e LSI-së, Ralf Gjoni.
Ai ka folur për bojën që iu hodh Gjonit ditën që do të bënte betimin, duke bërë përgjegjëse direkt për këtë akt kryetaren e LSI-së Monika Kryemadhi.
‘’Ralf sa i përket ty unë kam një ndjenjë solidariteti, jemi pjesë e shoqatës së ‘mbrohemi nga boja’. Ti pate fat se more bojë të bukur, bojë të kuqe, se është e vetmja bojë që përdor doktoresha, boja e partisë së Myslimit është e zezë. Kështu që Ralf mos u shqetëso, kam dëgjuar që për të parë më mirë filxhanin, duhet pak bojë e kuqe”, u shpreh në Kuvend Rama.
Kujtojmë se dhe vetë kryeministri u sulmua me bojë në Kuvend nga ana e ish-deputetit demokrat Edi Paloka, një nga aktet që u krye në ditët e fundit të qëndrimit të PD-së dhe të LSI-së.
(E.K/FAXWEB.AL)
