Kryeministri Edi Rama ka qene ne Berat ku ka prezantuar kandidatet per deputet te ketij qarku. Në Berat, kreu i qeverisë nënvizoi se më 11 maj, shqiptarët duhet të kapnin trenin e historisë për t’u anëtarësuar në Bashkimin Evropian. Rama thotë se vota për Sali Berishën, është një votë e çuar dëm.
“Do hedhë kot një votë që duhet ta përdorë për të futur Shqipërinë në BE. Punët për negociatat duhet të vazhdojnë. Jo po doli bufi nga këneta, nuk duhet të ketë fare nga këto. Nëse humbasim kohë, luajmë me fatin tonë. Ne nuk e dimë se mund të zhvillohen ngjarjet që do vijnë. Gjërat mund të kthehen siç ishin më përpara. Ky është momenti, tani duhet ta kapim dhe duhet të hyjmë brenda. Çdo socialist, demokrat, i majtë, i djathtë, duhet të jetë i interesuar, në radhë të parë që ne të hyjmë brenda. Unë iu çoj në Bashkimin Evropian. Për këtë kemi bërë punë të madhe, diplomaci të madhe. Është histori për libra, nuk është histori për ta treguar sot. Trenin e historisë që kalon më 11 maj, shqiptarët ta marrin dhe të shkojnë përpara”, theksoi ai.
Gjithahstu kryeministri Edi Rama thotë se zgjedhjet e 11 majit përcaktojnë fatin e integrimit.
“Qysh prej zgjedhjeve të ndryshimit të 1992, nuk kemi pasur asnjëherëz gjedhje që kemi të bëjmë me fatin evropian të Shqipërisë, të ketë pasur peshë gjeopolitike, jo thjesht se kush do fitojë brenda vendit, por a do fitojë apo jo vendi, në pozicionin e vet në raport me hartën e Evropës. Ky është 11 maji. Për herë të parë na është hapur mundësi konkrete dhe reale për t’u futur në Bashkimin Evropian. Sot, na ka ardhur dita para syve dhe sot na ka ardhur zogu në dorë, janë përputhur yjet e fatit të Evropës dhe yjet e fatit të Shqipërisë. Ne na është dhënë një kalendar pune deri në 2027 për të mbyllur negociatat”, theksoi ai.
Kryeministri Edi Rama u shpreh se, duhet të ketë garë të drejtë në zgjedhjet parlamentare të 11 majit.
ene ne“Dëshiroj t’iu them kryetarëve të bashkive, që duhet të jenë në dispozicion të PS, të numrit 5, ajo 5 më pëlqeu shumë, se është 5 me 1. Detyra juaj është të bëni kët1%, por nuk duhet të ndërhuni në garë. Kandidatët në listë duhet të ketë garë pa inteferenca. Janë zgjedhur sipas zonave për të pasur përfaqësim më të gjerë. Kemi respektuar të gjitha komunitetet, abshkitë, moshat, gjinitë. Zgjedhja është PS dhe Edi Rama, pastaj një preferencë”, theksoi ai
