Në vijim të fushatës elektorale në qarkun e Elbasanit,kryeministri Rama u ndal sot pasditë në Cerrik, në një takim me simpatizantë të PS-së nga ku tha se PS i do votat në 25 qershor që të drejtojë timonin e qeverisjes. Ai nuk ka nguruar edhe të thumbojë listën e kandidateve të PD, e cila nuk është miratuar ende nga KQZ, për shkak se është dorëzuar e paplotë.
Rama tha se kreu i opozitës, Lulzim Basha, kishte ‘vrarë’ të gjithë bashkëpunëtorët, duke iu referuar lënies jashtë listës së kandidatëve për deputetë shumë figurave kryesore të PD-së.
“Ti mund të jesh me PD-në po si mund t’i japësh votën Lulit që të bëhet kryeministër, ai ishte kryetar i bashkisë së Tiranës, Sahatin e Tiranës e kishte 4 metra nga zyra, dhe 4 vite Sahati nuk punoi, dhe Luli nuk e ngrinte as kokën për ta parë.
Se tjetër sahat ka Tirana, tjetër është sahati i Lulit që rri 12. U mbyll në çadër 3 muaj, ça thoshte, nuk ka Vetting pa ikur Edi Rama. Edi Rama është këtu dhe Vettingu ka ardhur. 3 muaj në çadër për Republikën e Re, pa Edi Ramën. Dhe e patë, akoma sot nuk ka bo gati të gjithë skuadrën me e nxjerr në fushë, por Saliut ja vrau të gjithë bashkëpunëtorët dhe e la tek pull si Fanti spathi,” tha Rama. (S.SH/Shuplaka)
Discussion about this post