Pas shpalljes së emergjencës në zonat e prekura nga tërmeti, kryeministri Rama ka vizituar të mbijetuarit e strehuar gjatë natës që shkoi në stadiumin Niko Dovana.
Ai gjithjashtui ka këshilluar dhe ekipet e emergjencës të durojnë dhe ‘ndonjë fjalë më tepër’ të njerëzve në nevojë.
Pasi ka folur me banorë të ndryshëm, ai ka takuar dhe ministrin e Jahstëm të Kosovës, Behgjet Pacolli ku ka premtuar dhe ngritjen e banesave të reja për familjet të cilave tërmeti i 26 nëntorit i la të pastrehë.
“Situatë e vështirë, por besoj që do ta kapërcejmë. Ajo që nuk bëjmë dot është të kthejmë në jetë ata që humbën jetën. Për pjesën tjetër gjithçka do zgjidhet. Ka shumë të plagosur, por kemi gatishmëri për ata që janë rëndë ti dërgojmë edhe jashtë”.
Rama premtoi se Vitin e Ri banorët e prekur nga tërmeti do ta kalojnë në kushte optimale, ndërsa vitin tjetër do punohet të futen në shtëpi, me kushte edhe më të mira seç i kishin.
“Do punojmë që ta kalojnë Vitin e Ri në kushte optimale, me kushte më të mira se në shtëpi. Megjithëse nuk ka si shtëpia. Brenda vitit të ardhshëm do ti fusim në shtëpia edhe më të mira seç i kishin”, tha Rama.
