Para Mitingut përmbyllës në Vlorë kryeministri Edi Rama është ndalur në një takim me banorët në Himarë.
Përpara banorëve që në një shumicë janë dhe me orgjinë greke Rama u mor gjerë e gjatë me Vangjel Dulen.
“Nuk e di a ka ardhur këtej ky Vangjel Dulja. Ajo që dua të them unë është se ai e ka thyer rëndom historinë e Himarës. Por këtë herë Vangjel Dulja ka fyer rëndë minoritetin e qarkut të Vlorës.
Më vjen shumë keq se kemi qenë miq me të dhe tani nuk jemi afër, se ai shkoi te Luli dhe kujtonte se unë nuk do takohesha më me Lulin. Vangjel Dulja nuk meriton asnjë votë për faktin e thjeshtë se për të gjithë atë retorikë nacionaliste e ka përdorur vetëm për ndenjësen e tij.
Dhe kur vjen puna për atë ndenjëse, braktisi të gjithë njerëzit dhe shkoi u bë me Republikën e Re, bashkë me Dashin e Havasë. Unë e vura nënkryetar të Parlamentit, i pari minoritar në këtë post, dhe zoti Vangjel na u tërhoq se u zgjodh nënkryetar tjetër Shpëtim Idrizi.
E mora në telefon dhe tha se nuk mund të rrinte në një vend me ata fashistë, dëgjo i tashë se ata janë shqiptar, dhe më pas vendosi të ikte. Kaq patriot ky sa për të mbajtur vendin e vetë u fut në autobusin e Republikës së Re bashkë me Dashin e Havasë”, tha Rama nga Himara.
(E.K/SHUPLAKA)
